Y Ffordd Orau

Mae adroddiadau gan y llywodraeth ac o’r senedd wedi gwneud yn glir mai cynhyrchu sment yw un o’r ffyrdd gorau o ddefnyddio teiars wast.

Mae’r gwres uchel iawn mewn odyn sment yn llosgi’r defnyddiau yn llwyr, tra’n cael gwared ar nwyon asidig a metelau oherwydd natur alcalïaidd cynnwys yr odyn. Bydd lludw’n cael ei gynnwys yn y clincer sydd wedyn yn sail i’r sment gorffenedig.


Barn y llywodraeth

Gall yr odyn newydd helpu i atal argyfwng

Byddai’r prosesau cynhyrchu yn odyn newydd arfaethedig Padeswood yn helpu’r Cynulliad Cenedlaethol i ddatrys argyfwng tros safleoedd claddu gwastraff.

Byddai hefyd yn cwrdd â llawer o’r meini prawf sydd wedi eu gosod ym mholisïau’r Cynulliad ar gyfer datblygu cynaliadwy.

Trwy losgi teairs gwastraff, byddai’r odyn newydd yn helpu i wynebu a datrys problem fawr pan fydd teiars o’r fath yn cael eu gwahardd o safleoedd claddu gwastraff yn 2003.
Mae cwmnïau trin teiars yng Ngogledd-ddwyrain Cymru wedi rhybuddio bod argyfwng ar y ffordd, gan ddweud y byddai’r odyn newydd yn helpu eu busnesau nhw a helpu’r amgylchedd hefyd.